موضوع: هل تفعلها/تفعلينها ليلة الدخلة ؟؟؟ الثلاثاء يونيو 10, 2008 1:28 am
بدووون خجل هل تفعلينها لوطلبها منك ليلة الدخله؟؟؟
قصة واقعية حصلت في ليلة الدخله .
.
اول شي انا وضعت هالقصه
ابي عرف ماهي ردودكم على مافعله هذا الرجل بعروسه...
اليـــــــــــــكم القصه ..
شاب راح يخطب وحده وتمت الموافقة على الخطبة ومن ثم الزواج المهم وش اللي صار ليلة الدخلة بعد مادخل صاحبنا شقته مع زوجته وإلا جواله يدق ويقوم خوينا يرد على الجوال ويدور الحوار التالي :
الزوج : الووووو المتصل : السلام عليك، كيف حالك يا (فلان) و ألف ألف مبروك الزوج : وعليكم السلام وينكم يا انذال ماحضرتوا الحفلة يا تعبانين
المتصل : والله تعطلت علينا السياره في الطريق وحنا جايين عندكم ووصلنا وسألنا عنك قالوا انك رحت مع المدام والحين حنا راجعين الديره ((طبعاً الديرة تبعد حوالي 350 كم)) لأنهم مو بالسعودية الزوج : المهم تعشيتوا المتصل : لا والله الزوج : كم عددكم ؟ المتصل : عشرة الزوج : اقولك (علي الطلاق عشاكم الليلة عندي) قول صار المتصل : يا ابن الحلال مايصير انت معرس جديد و.. و.. المهم مافيه فايده الزوج مصر الا يتعشون عنده الزوج : يالله انا انتظركم مع السلامه وقفل الخط الزوجه المسكينه ما هي مصدقه اللي سواه زوجها ليلة الدخلة ثم قال يافلانه انا رايح السوق وراجع ((على بالها يبي يجيب عشاء جاهز)) بعد ربع ساعه رجع الزوج ومعه اغراض العشاء قالت الزوجه شنو هذا قال الله يسلمج قومي سوي العشاء حق ربعي جايين من الكويت وما تعشوا ،،،وفي أثناء الحوار،،، والا الباب يدق قال وصلوا يالله همه يا مرتي وراح عند ربعه يقهويهم المهم المسكينه في المطبخ تقطع البصل والطماط بفستان الزفاف وعيونها تدمع وتقول في نفسها ( بكره بأرجع عند اهلي من الفجر واطلب الطلاق) المسكينه سوت العشاء وتعشوا وراحوا لديرتهم المسكينه متضايقه
يدخل زوجها عليها ويعطيها(50000) خمسين ألف ريال قال هذا حقك قالت وشوا حقه قال الرهان اللي بيني وبين زملاي العشرة على كل واحد (5000) بأنك تطبخين ليلة الدخلة وش يكون ردة فعلك موافقه والا .. لا وانتي من كسب الرهان وتمت ليلتهم على خير وصاروا اسعد زوجين .........
موضوع: هل تفعلها/تفعلينها ليلة الدخلة ؟؟؟ 
الثلاثاء يونيو 10, 2008 1:28 am
