من أجمل ما قرأت
<BLOCKQUOTE style="BORDER-RIGHT: medium none; BORDER-TOP: medium none; BORDER-LEFT: #1010ff 1.5pt solid; BORDER-BOTTOM: medium none">
مقاطع من قصيدة : اسالوني قبل ان
للشاعر نائل المظفر
عندي يا مولاي بعض ألأسئله
الواحد بواحد إذا تضربه شيصير؟؟؟
غير واحد؟ ؟شو غلط بالمسئله؟؟؟
أنت كل واحد تضربه بذو الفقار
اثنين يامولاي يطلع حاصله!!!
وينطرح بس ينضرب ما ينجمع
شلون واحد والجمع ما يقبله؟؟؟
سيفك القانون بس محد رضاه
لأن أول سيف ينصف قاتله
وراسك القرآن بس محد قراه
وإنفتح بالسيف مو بالبسمله
يا فقير ومنزلك مثلك فقير
وما كو واحد أعلى منك منزله
الله ما حطلك ملك للسيئات
ملكينك حسنات إمسجله
على جتافك ينعس ويغفه الملاك
وإنتّ ساجد للصبح بالنافله
ما تنام مخدتك تسأل عليك
وتصبح من الشوق سجادة صله
المشكلة بلا حل تجيهم وإنتّ لا
الحل يجيك وما كو عندك مشكله
إنتّ ما ناطق حرف عن الهوى
يعني لازم حجيك إحنه إنرتله
إو والله لو ميت وحي بذاك الزمان
وينقص القرآن إنتّ اتكمله
ويا أمير الما ينصبونك أمير
صدقوا بهذا ألأمر مو مخطئين
لأن قالولك عليهم ماتصير
وإنتّ يامولاي أمير((المؤمنين))
شلون أشك بعصمتك وإنتّ الرسول
وصّفّك قران ناطق يعني دين
يعني حبل الله ويقول إعتصموا بيه
شلون مو معصوم يعصم معصمين؟؟؟
لا يسيف الله غيرك ما كو سيف
حتى موتك هم ثبت للعالمين
بالصلاة ضربوك بس ساجد بقيت
وكان راسك منشطر نصف انشطار
ومثل سيفك سيدي شويه إنحنيت
وما تميز يا هو بيكم ذو الفقار
</BLOCKQUOTE>
ولكم منا اجمل التحيات واطيبها نسئلكم الدعاء
موضوع: مقاطع من قصيدة : اسالوني قبل 
الجمعة مايو 23, 2008 11:20 am
