يا جماعة الخير خلونا نتفق كلنا ضد المطاعم و استغلالهم لنا

موضوع اجتماعي جميل قرأته في أحد منتديات سيهات و استأذنت صاحب الموضوع أن أنقله في منتدى ديوانية المطوع

بصراحة لا اعرف كيف ابتداء وماذا اقول

ولكن وصل الجشع والطمع لاصحاب المطاعم الى اسعار غريبه وعجيبة حتى اصبح بعض اصحاب المطاعم مع القوم ياشقره يعني رفع المطعم الفلاني ليش انا ما ارفع بعد وكل هذا متحججين بارتفاع الاسعار .

مثلا مطعم من المطاعم يبيع سندويش شيش دجاج بثلاثة ريال بعد ثلاثة اشهر اصبحت بخمسة ريال سئلته ليش يقول لي ارتفاع الاسعار ، قلت له اي اسعار الخبر سعره زي ما هو الكيس بريال والدجاج لا تتحجج فيه انت راعي مطعم يعني ما راح تأخد سعر الدجاج زي العالم اكيد ارخص وذلك بشهادة اصحاب المطاعم لانه راح يأخد كمية كبيرة والخضروات يعني يوم فوق بس اكثر الايام اسعارها عادية لا يكون ارتفاعها علشان الشطة اللي تحطة في السندويشة وخليت الطلب ومشيت مو بخل الحمد لله الخير كثير ولكن احسه استغلال .

صديق لي كان يأخد حبة الدجاج المشوي بسعر وجاء له مره ثانية الا صاحب المطعم مزيد ثلاثه ريال في الحبه قاله ليش قال الفحم غالي رد عليه ليش انا جاي اشتري دجاج مشوي ولا فحم مشوي وترك الطلب ومشى ولحقه راعي المطعم وعطاه الطلب بنفس السعر القديم .

وهذا الاستغلال حاصل في جميع المطاعم .

اللي ابي اوصله لكم يا اهل سيهات ليش ما نتحد ضد هذا الغلاء الغير مبرر صحيح انتو بتقولوا لي هي جات على الاكل يعني لكن اقول لكم امس المواد الانشائية وبعد المواد الاستهلاكية والحين شوفوا كيف وصلنا الغلاء في اسعار الاكل في المطاعم وبعدين شوفوا الى ايش راح نوصل .

يا ناس يعني اشف فيها لو مليتو الثلاجه من اللحم المفروم والبطاطس الجاهز للقلي والشيز المثلج البلدي والاشياء اللي انتو تحبونها ووقت ما تشتهوا تأكلون في البيت على الاقل شيء نظيف ومضمون وفي نفس الوقت نوصل رساله لاصحاب المطاعم خليهم يحسون شوي يعني الطفل المسكين اللي خريته ريالين اوثلاثه ويش يمديه يشتري والله حرام .

انا اتكلم والله ياناس مو حسد ولا كره لانهم اولاد ديرتي ولكن يمكن يحسوا شوي ويرجعوا الى رشدهم ويتركوا عنهم الطمع .

ارتفاع الاسعار ليس مقتصر على الاكل فقط بل في جميع الاشياء على الشخص ان يحاول الاقتصاد اكثر في هذه الامور وشكرا على الاقتراح